Uttanlands
XINJIANG: Her byrjaði ferð mín í Himmalaya
Fá munnu vilja vera við, at Himmalaya byrjar í gamla býnum Kashgar á silkivegnum í kinesiska landslutinum Xinjiang, 1200 metrar omanfyri sjóvarmálan, miðskeiðis í turru Tarimlægdini, næstan so langt vesturi, sum til ber at koma í Kina. Her byrjaði ferð mín í Himmalaya, og har kom eg at dvølja longur enn ætlað. Eg slapp ikki longur á míni leið suðureftir ímóti fjøllunum, ímóti Himmalaya, fyrr enn eg fekk pappírslepan, sum gav mær frítt at fara um skarið inn í Pakistan.
