Í gjár skrivaðu vit um ein spælara hjá HB, ið ikki vildi taka í hondina á Annu Falkenberg.
Tann greinin kann lesast her
Nevndin í Havnar Bóltfelag skrivaði í dag, at spælarin vegna sína trúgv ikki tekur í hondina á kvinnum.
- Hansara máti at heilsa virðiliga er við at leggja hondina á hjartað og bukka. Nakað sum hann eisini gjørdi í hesu støðuni, skrivaði nevndin í Havnar Bóltfelag.
Kristin Dam Ziska, aðalskrivari í FSF, sigur við Dimmalætting, at talan er um eitt innanhýsis mál hjá HB, ið ikki viðkemur teimum.
- Vit hava lógir, ið banna mismuni móti privatpersónum vegna kyn, men vit taka einans mál upp av okkara eintingum, um tey fara fram undir okkara kappingum. Tí gera vit onki við mál sum hesi.
Nevndin í Havnar Bóltfelagi er í dag komin við hesi viðmerkingini um hendingina
