Seinnapartin uml. 15:30, setti ein konvoy við umleið 20 skipum og 200 fólkum, kós úr Barcelona til Gazageiran. Hettar verður gjørt í eini nýggjari roynd, at bróta ísraels stongsul og at bera neyðarhjálp til økið.
Umborð eru aftur hesaferð, svenski aktivisturin Greta Thunberg og sjónleikarin Liam Cunningham, sum er kendur frá røðini 'Game of Thrones'.
Hann luttók á tíðindafundi fyrr í dag, har hann spældi eina ljóðupptøku av einari gentu sum eitur Fatima.
Hon syngur á upptøkuni ein sang sum hon, sambært sjónleikaranum, fegin vil hava verður sungin til hennara jarðarferð.
- Hvat fyri ein heim hava vit skapt, har børn skulu skipa fyri sína egnu jarðarferð? segði hann m.a.
Greta Thunberg segði eisini nøkur orð í Barcelona, áðrenn fráferð:
- So smátt vakna fleiri og fleiri hvønn dag og síggja fleiri av ræðuleikunum, fólkadrápinum, hópdrápinum, sum Ísrael fremur, sigur hon og heldur fram
- Søgan snýr seg ikki um missiónina, sum vit eru í ferð við at fara undir. Søgan er um Palestina. Søgan her snýr seg um, at fólk her tilætlað verða frádømd grundleggjandi neyðugu vørurnar fyri at yvirliva.
Fyrireikararnir siga at hettar er tann størsta samleikauppgávan í søguni, við fleiri fólkum og fleiri bátum enn allar undanfarnu royndir tilsamans."
Ísrael hevur longu forðað tveimum fyrrverandi royndum hjá aktivistum, at bera hjálparhjálp við skipi til Gaza í juni og juli.
Benjamin Kürstein, korrespondentur hjá TV2 væntar heldur ikki at tað fer at eydnast Gretu Thunberg og humanitera flotanum, at koma til Gazageiran hesaferð, hóast tað at fleiri skip eru við.
Væntandi koma skipini til Gaza um miðjan september.
Sí eisini
