Iranski uttanríkisráðharrin, Seyed Abbas Araghchi, svarar nú uppá áheitanini frá fleiri vesturlendskum leiðarum um, at Iran skal koma til samráðingarborðið við USA um sína kjarnorkuætlan.

Hann skrivar á X, at Iran samráddist við USA í síðstu viku, tá Ísrael "avgjørdi at spreingja diplomati í luftina".

Hesa vikuna skrivar hann, at Iran hevði samráðingar við ES, men USA "avgjørdi at blása diplomati í luftina".

- Hvørja niðurstøðu hevði tú gjørt? Fyri Bretland og ES er tað Iran, sum skal "venda aftur" til samráðingarborðið. Men hvussu kann Iran venda aftur til nakað, sum tey ongantíð fóru frá, ella sprongdu í luftina? Spyr Araghchi