Boðað varð frá herverki tvær ferðir í gjár. Klokkan 14.20 sá ein borgari, at12 ljóssteyrar fram við gøtuni millum Vegin Langa og Svartafoss vóru brotin.

Á Hjalla fekk ein ATV ikki frið at standa parkeraður. Har var sagt frá, at ein lutur var skrúvaður leysur, og at okkurt varð brotið.

Løgreglan kannar framvegis herverkini, og vilja tey fegin hoyra frá fólki, sum hava sæð ella hoyrt nakað.