Sum vit skrivaðu í áðni, fer Løgtingið at taka støðu til fría fosturtøku í Føroyum til 12. viku. Og sum vit eisini skrivaðu, er Henrik Old, tingmaður fyri Javnaðarflokkin, ímóti fríari fosturtøku.

Men hann hevur eitt annað uppskot, sum gongur tann øvugta vegin og sum skal eggja kvinnum at fáa eitt barn, heldur enn at fáa fosturtøku.

Í hesum sambandi vísir hann á, at við ársenda í 2024, vóru 85 milliónir í Barsilsgrunninum. Og fyrsta septembur í ár, var ognin hjá Barsilsgrunninunm komin upp á 100 milliónir.

– Her er ovmikið at taka av, sigur Henrik Old.

Hann sigur, at tí fer hann, sum skjótast, at leggja uppskot fyri Løgtingið um at kvinnur, skulu fáa eitt eingangsgjald úr Barsilsskipanini, tá ið tær eiga sítt fyrsta barn.

Og hann leggur afturat, at hetta eingangsgjaldið skal vera ein munandi upphædd.