Tað vil Fólkaflokkurin geva øllum teimum, ið fáa eitt barn. Soleiðis verður tað lættari og tryggari at vera familja í Føroyum.

Vit skulu altíð stremba eftir, at tað er fíggjarliga lættari at vera og seta á stovn familju. Tí vilja vit geva ein barnakekk á 20.000 kr. skattafrítt úr barsilsgrunninum. Tað gevur barninum og familjuni eina góða byrjan uppá tilveruna.

So er spurningurin – hvussu verður tað fíggjað?

Seinastu tvey árini hevur árini hevur barsilsgrunnurin havt avlop á knapt 40 mió. kr. hvørt ár. Okkara uppskot kostar 12 mió. kr. So hetta hava vit væl og virðiliga ráð til.

Sjálvandi skulu vit heldur lata familjunum ein part av yvirskotinum í barsilsgrunninum, heldur enn at samla pengar upp í grunninum.

Við barnakekkinum geva vit familjum og Føroyum eina betri og tryggari framtíð.

Beinir Johannesen,

formaður Fólkafloksins