Heilsustýrið hevur hagtøl fyri tjukk-og endatarmskrabba í Føroyum frá 2013 og til 2022. Vit hava umbiðið nýggjari tøl um tey finnast.

Í hesum tíðarskeiði vóru 197 menn og 165 kvinnur, diagnostiseraði við tjúkk- og endatarmskrabba í Føroyum.

Fyri tjúkktarmskrabba var aldursstandardiseraði títtleikin hjá monnumum 55,9 pr. 100.000 menn. Hetta er ein hækking uppá 43,7 % í mun til 2021,har talið var= 38,9 pr. 100.000 menn.

Hjá kvinnunum var aldursstandardiseraði títtleikin 35,4 pr. 100.000 kvinnur, sum er ein lækking í mun til 2021, har talið var= 39,2 pr. 100.000 kvinnur.

Tá hugt verður at endatarmskrabba sæst, at títtleikin fyri føroyskum kvinnum er fallin frá 26,2 pr. 100.000 kvinnur í 2021 til 18,7 í 2022.

Hjá føroysku monnunum er aldursstandardiseraði títtleikin hækkaður frá 19,7 pr. 100.000 menn í 2021 til 27,3 í 2022.

Hægsti títtleikin hjá kvinnum í hesum tíðarskeiðnum var í 2018 og var hann uppá 34,7 pr. 100.000 kvinnur.

Hjá monnunum var hægsti títtleikin í hesum tíðarskeiðnum 33,1 pr. 100.000 menn, og var hetta í 2019.

Mynd: Aldursstandardiseraður títtleiki* (pr. 100.000 persónar) fyri tjúkktarms- og endatarmskrabba deilt á kyn, 2013-2022. Kelda: Krabbameinsskráin 15. novembur 2024, Heilsustýrið.

Nota: *Títtleikin (incidensratan) er talið av nýggjum tilburðum pr. 100.000, aldursstandardiserað til føroysku búfjøldina í ár 2000.

Við at aldursstandardisera verður atlit tikið til aldursgongdina hjá føroysku búfjøldini, tá nýdiagnostiseraðir tilburðir verða sammettir yvir ár.

Sí eisini

https://dimma.fo/grein/eksplosivur-vokstur-i-krabbameinsrelateradum-deyda