Í kvøld skal HB spæla dyst úmóti Hajduk Split úr Kroatia og í hesum sambandi eru einir 300 - 350 viðhaldsfólk hjá útiliðnum komnir úr Kroatia til Føroyar at heppa upp á sínar menn.
Men løgreglan sigur, at tað slepst ikki undan at teir síggjast aftur í býnum og støðan hevur eisini verið tann, at tað eru nakrir av útlendsku fjepparunum, sum hava víst ein rættilig ólátaðan og provokerandi atburð í náttarlívinum í Havn.
Skeinkistøðini hava loyvi at hava opið til klokkan tvey um náttina og løgreglan sigur, at eini 20-30 kroatar hava rættiliga verið í býnum, og einar tríggjar, fýra ferðir vóru teir so ólátaðir og provokerandi, at Løgreglan mátti á ymisk vertshús at leggja upp í, áðrenn tað endaði við slagsmáli - og fyri at fáa kroatarnar at dempa seg - og nakrar ferðir vórðu kroatar eisini koyrdir á dyr.
Í onkrum føri var stemningurin so ringur, at vertshúsini gjørdu bart og stongdu fyri tíð, fyri at tað ikki skuldi vinda upp á seg. Løgregln sigur kortini, at tað kom ongantíð har til, at talan var um slagsmál, ella um harðskap
