Løgreglan var boðsend niðan á Oyggjarvegin i nátt, tí ein ungur maður ætlaði at gera av við seg.

Tað var bilførarin sum koyrdi mannin niðan, sum ringdi. Hann sá unga mannin stilla seg á eitt stað, har tað var høgt útav.

Eisini var okkurt sagt teirra millum, sum kundi týða uppá at tað var ætlanin hjá honum.

Ein patrulja sum hevði hundar við sær, fór beinanvegin niðan og funnu hann rættuliga skjótt.

Maðurin kom oman aftur og er nú innlagdur.

Vakthavandi í morgun sigur at tað tíverri økist við boðum um sjálvmorðsætlarnir hjá løgregluni. Serliga eru tað ung fólk sum ikki hava tað gott.

Eitt av fleiri møguleikum at leita sær hjálp í Føroyum er her Sinnisbati

á Instagram @sinnisbati_ung

Á Facebook Sinnisbati ung