Donald Trump hevur lýst loftrúmið í Venezuela sum de facto Fullkomiliga stongt.

Hettar hendir eftir at ávaring um landálop fyri at koma rúsevnissmuglarum til lívs.

Hann skrivaði í dag á sínum egna miðli Truth Social :

- Til øll flogfeløg, flogskiparar, rúsevnahandilsmenn og menniskjasmuglarar. Vinarliga gev gætur at loftrúmið bæði uppiyvir og rundanum Venezuela er stongt.

Yvirraskandi fráboðanin kemur nú ímeðan spenningurin millum USA og Venezuela, er uppá sítt hægsta um stríðið hjá Trump ímótir rúsevnum 

Hósdagin boðaði Trump frá at hann fór at eskalera hernaðarlig tiltøk ímótir ávísum rúsevnasmuglarum. Eisini segði hann, at amerikanski herurin um heilt stutta tíð fer at virka á landi og ikki bara sjóvegis.

-Vit fara at steðga teimum eisini á landi, segði hann við limir í herinum í telefonsamrøðu.

Í minsta lagi 21 álop hava longu sligið út rúsevnissmuglara og bátar teirra. Eisini hava tey dripið fleiri enn 80 fólk, sum eru skuldsett fyri at hava roynt at flutt rúsevni til USA.

Sum liður í Operation Southern Spear, eru nøkur av heimsins mest framkomnu flogførafragtskip. Tey eru ímillum tey hernaðarskipini, sum eru send í Karibiska havið og eystara parti av Kyrrahavinum. Har eru tey send at takla tey ólógligu smuglaraskipini.

Fráboðanin um at loftrúmið yvir Venezuela skal metast at vera stongt, er fíggindarlig, einræðislig og valdslig. Tað sigur venesuelanska stjórnin í eini fráboðan sambært Reuters.

Samstundis leggur stjórnin dent á, at hon ikki tekur ímóti boðum ella hóttanum úr útheiminum, og hon krevur virðing fyri loftrúminum hjá Venezuela.