Sól er ikki tað vit hava mest av á okkara leiðum, men tað finnast tibetur ráð fyri tí, tí solstrálir er nakað við hava fyri neyðini at fáa á okkum. Alt tó við máta, tí ov nógv sólarljós kann eisini elva til krabbamein.
UV-geisling frá sólini er samansett av UVA, UVB og UVC.
Tá húðin verður útsett fyri UVB-geisling, verður D-vitamin ment í kroppinum. Høvuðsuppgávan hjá D-vitamin er at hjálpa kroppinum at upptaka kalsium, og er tað tí neyðugt fyri beinagrindina, men eisini fyri vøddarnar.
Manglandi D-vitamin økir tí eisini um vandan fyri beinbroyskni, og kann elva til vøddapínu og veikleika sum heild.
Upptøkan av D-vitamin fer fram í tarminum, og verður umskapað í nýrunum og livrini.
Umframt hettar, verður granskað í um vitaminið eisini fær kroppin at framleiða hormonir, sum hava jaliga ávirkan á bæði heilan og livrina.
Matvørur sum fiskur, kjøt, egg og mjólkarúrdráttir innihalda D-vitamin.
Serliga feitur fiskur sum sild, makrelur og laksur.
So um man ikki sleppur suðureftir í feriu, kann man í øllum førum royna at eta so nógv sum gjørligt, av hesum og øðrum vørum, eitt nú kjøti.
Vegetarar og veganara kunnu fáa eyka D-vitamin í soppum.
Fólk við myrkum húðaliti, børn yvur 4 ár og kvinnur sum eru við barn, hava eyka brúk fyri d-vitamin.
