Lis Samuelsen er virkandi sóknarprestur

Biskupur hevur heitt á Lis Samuelsen um at gera tænastu sum sóknarprestur í Sandoyar prestagjaldi í góðar tveir mánaðir frá nú av.

Biskupur hevur sett sóknarprestin Havstein Klein at taka sær av øðrum uppgávum, t. d. skrivligum avrikum við atliti at lestrinum við konfirmantum.

Lis hevur drúgvar royndir sum prestur. Tey seinastu 12 árini hevur hon verið prestur í Sorø Klosterkirke. 

Eisini hevur hon verið herprestur hjá tí donsku verjuni, har hon m.a. hevur verið í Estlandi í tríggjar mánaðir og arbeitt sum herprestur.