30.januar 1918 verður lýst í bløðunum, at tey, sum vilja verða limir í Havnar Sjónleikarfelag kunnu siga frá ella tekna seg hjá einum av undirskrivaðu. Limagjaldið er 9 kr. um árið, og gevur atgongd til felagsins mánarligu samkomir. Fyrsta samkoman (aftenunderholdning) verður hildin 10. Februar.

Fyri lýsingini standa J. Waagstein, H.C.W. Tórgarð, J. Baia, Andreas Djurhuus, Herluf Lützen, Holm-Isaksen, Nyholm Debes, M.A. Jacobsen, P.A. Restorff, Poul Hansen, P. Alberg og Oluf Joensen

Felagið og Sjónleikarhúsið hava í skjótt heila øld verið partur av mentan og undirhald til gaman og álvara fyri fólkið í Havn og allar føroyingar. Nógv fólk hava gjøgnum ár og dag havt týdning fyri felagið og Sjónleikarhúsið, og tí hevði tað glett nevndina at sæð tykkum, sum á einhvønn hátt hava verið virkin í felagnum, til føðingardagsveitsluna.

Føðingardagsveitslan verður í Sjónleikarhúsinum leygardagin 10. februar kl. 19:00.

Tilmelding á [email protected] áðrenn 1. februar.