Orsakað av yvirgangsálopinum á Bondi Beach í Sydney í dag, og tí bretskir jødar vóru dripnir og særdir í álopinum á Heaton Park Synagogue í Manchester á Yom Kippur í oktober, hevur jødiska leiðsluráðið í Bretlandi tikið stig at verja allar jødar í Onglandi.

Leiðsluráðið hevur heitt á løgregluna og stjórnina um at verja jødisk tiltøk í Onglandi, sum halda Hanukkah. Jødiska hátíðin byrjar í kvøld og varar í átta dagar.

- Hanukah er ein gleðilig hátíð, tá jødisk samfeløg savnast á almennum støðum kring heimin fyri at deila ljósið. Vit eru ørkymlað og ill um, at í Sydney tykjast jødar at hava verið avrættaðir enn einaferð fyri at vera jødar, skrivar ráðið í fráboðanini.

- Vit vita, at slíkt hatur er eisini til í hesum landinum(Onglandi), tí vit skelva enn av álopinum á eina synagogu í Manchester á Yom Kippur.

Meðan vit fyrireika okkum at halda Chanukah næstu átta kvøldini, heita vit á stjórnina og løgregluna um at arbeiða saman við okkara samfelag, fyri at verja jødiska lívið í Bretlandi og tryggja, at hendingarnar hesa vikuna kunnu fara fram trygt. Vit mugu ikki lata hatur sløkkja ljóshátíðina.

Sí Yvirgangsálop í Avstralia