Fundurin um Grønland og Arktis, sum verður í dag millum Lars Løkke Rasmussen og Vivian Motzfeldt, J.D. Vance og Marco Rubio, skal ikki haldast í Hvítu Húsunum allíkavæl, sum áður fráboðað. Tað skrivar Ritzau.

Sambært miðlunum verður fundurin í síðstu løtu fluttur til hátíðarligu skrivstovuna hjá varaforsetanum J.D. Vance í Eisenhower Executive Office Building. Skrivstovan liggur tætt við vesturvongin á Hvítu Húsunum.

Fundurin byrjar væntandi kl. 15.30 føroyska tíð. Klokkan 9.30 lokala tíð í Washington, D.C.