Tórsgøta lýsir við, at í næstum verða fleiri forkunnigar konsertir at hoyra. Tær verða allar framførdar í Auluni í Finsen. Tað sermerkta við konsertunum er, at tær verða allar 'unplugged'. Tvs. við ongum elektriskum styrkjara.

Lena Anderssen Unplugged

Lena Anderssen unplugged í Auluni í Finsen

Tað er ikki hvønn dag, at tú fær høvi at uppliva eina listakvinnu sum Lena Anderssen í einum høli við so nógvari sál sum Aulan í Finsen. Men 15. mars er dagurin, tá tú fært møguleikan – og tað verður eitt kvøld, ið fer at seta seg fast í bæði sinni og hjarta.

Lena Anderssen er ikki bert ein sangari – hon er ein søguforteljari. Við rødd, ið er so eyðkend, at hon bæði tykist mjúk og kraftmikil í senn, og við tekstum, ið tykjast skrivaðir við hjartablóði, hevur hon skapt eitt univers, sum er bæði hugtakandi og djúpt. Hetta er list, sum snarar um alt tað menniskjansliga: kærleika og lívsins fløkjur – alt samantvinnað við eini inniligheit, ið fær teg at gloyma tíð og stað.

Afturvið sær hevur hon Niclas Johannesen – ein gittarleikari, ið ikki bert spælir, men livir seg inn í hvønn tóna, hann slær. Spælið hjá Niclas er sum eitt vakurt fundament undir tónleikinum hjá Lenu, har røddin hjá henni veruliga sleppur at skína.

Lena Anderssen er kend fyri at leggja kenslurnar í hvønn tóna og hvørt orð, og hetta kvøldið verður onki undantak. Aulan í Finsen er longu eitt serligt stað, men hetta kvøldið verður tað nakað heilt serligt. Hetta verður eitt kvøld, sum tú seint fer at gloyma.

Nær:

Leygardagin 15/03 kl. 20:00

Hvar:

Aulan í Finsen

Prísur:

210 kr.

Kári P. Unplugged

Kári P. – Ein livandi legenda á pallinum í Auluni í Finsen

Tað er ikki ofta, at tú fær møguleika at uppliva eina veruliga legendu, men 29. mars verður eitt kvøld, har tónleikaliga arvurin og listin hjá Kára P. verður heiðrað og upplivað í Auluni í Finsen – einum høli, ið er perfekt til eitt slíkt kvøld við sál og tónleiki.

Kári P. – ella Kári Leivsson, sum hann nú kallast – er ein av okkara størstu sangskrivarum. Við sínum serstøku løgum og tekstum, ið eru á altjóða støði, hevur Kári verið við til at mynda føroyskan tónleik síðan 70’ini. Onkur hevur kallað hann okkara svar upp á Bob Dylan, tí hansara tekstir eru djúpir, hugsunarsamir og ofta bæði poetiskir og hvassorðaðir. Meðan løgini hava eitt lív og eina styrki, ið hava staðið seg gjøgnum áratíggjuni.

Hóast Kári valdi sálarfrøðina sum yrkisleið og tónleikurin er farin í bakgrundina, hevur tað ikki minkað um týdningin av hansara tónleiki. Tvørturímóti tykist hann at hava fingið ein tíðarleysan relevans – tekstirnir snúgva seg um menniskjansliga lívið, kenslur og samfelagslig viðurskifti, ið eru líka aktuell í dag sum tá teir fyrstu ferð vórðu skrivaðir.

At uppliva Kára P. á pallinum er ein heilt serstøk uppliving. Hann er ikki bara ein sangari, men ein søguforteljari, ið megnar at fanga eygablikk úr lívinum og seta tey í orð og tónar, sum raka beint í hjartað.

Nær:

Leygardagin 29/03 kl. 20:00

Hvar:

Aulan í Finsen

Prísur:

210 kr.

Lyon Unplugged

Lyon – Karismatiskur sangari og gittarleikari í Auluni í Finsen
10. apríl verður eitt kvøld merkt av tónlistarligari dygd, tá Lyon – ein av okkara mest karismatisku og spennandi tónleikarum – stígur á pallin í Auluni í Finsen. Við sterkum løgum, dragandi framførslum og klassa tónleiki, ið hevur vunnið honum bæði viðurkenning og virðislønir, er Lyon klárur at geva tær eina uppliving av teimum heilt góðu.

Lyon er ein klassa tónleikari – við eini framúr rødd og gittarspæli, ið skapar samljóð millum melodiir og kenslur. Hansara løg eru merkt av fangandi tekstum og intensiteti. Við FMA tilnevningum, einum sigri í Sement kappingini og við nógvum árum av venjing og royndum hevur Lyon prógvað, at hann er ein av bjørtu stjørnunum á føroyska tónleikapallinum.

Eitt kvøld við nærveru og megi
Tey, ið hava sæð Lyon á pallinum, vita, at hann er meira enn ein sangari – hann er ein performari av guds náði. Við sínum eyðkenda guitarspæli, sínum fangandi nærleika og sínum evni at fáa lív í løg og tekstir, fangar hann bæði hjørtu og oyru hjá áskoðarunum. Lyon hevur tað serliga, ið ger, at tú kennir teg sum ein part av framførsluni – tað verður ikki bara ein konsert, men ein uppliving.

Aulan í Finsen – tann perfekti karmurin
Við sínum serliga akustikki og sál, er Aulan í Finsen tað fullkomna staðið til eitt kvøld, har tónleikur og nærvera eru í miðdeplinum. Lyon fer at framføra nøkur av sínum bestu løgum, og hann fer uttan iva at skapa ein heilt serligan stemning í Auluni.

Nær:

Hósdagin 10/04 kl. 20:00

Hvar:

Aulan í Finsen

Prísur:

160 kr.