Sunda kommuna skrivar soleiðis:

Kommunan fer hesa setuna at hava árligar borgarafundir í bygdunum, og í hesum sambandi fara vit at byrja í Haldórsvík komandi hóskvøld, 24. apríl kl. 19:30.

Fundurin verður hildin í avhaldshúsinum, og aftaná verður drekkamuður at fáa. Á fundinum verður kunnað um støðuna við vetrarfriðingini, og annars verður orðið lagt til einstaka borgaran at koma við hugsanum, ynskjum og áheitanum. Vónin er, at hesir fundirnir styrkja sambandið millum borgaran og kommununa, so avgerðir og komandi raðfestingar verða gjørdar í tráð við ynskini hjá borgarunum í ymisku bygdunum.

Á heimasíðuni hjá Sunda kommunu vera hesar bygdirnar nevndar: Gjógv, Norðskála, Oyri, Oyrarbakki, Langasandur, Saksun, Tjørnuvík, Streymnes, Hvalvík og  Hósvík.