ÍF flutti síðsta heyst niður úr bestu deildini og fyrireikar seg nú til aftur at vinna uppflyting.
Fyrsta uppgávan hjá ÍF í 1. deild verður stór, tí 8. mars verður tað næstbesta liðið hjá Víkingi, sum verður gestur í Fløtugerði. Í fjør vann Víkingur so sera sannførandi næstbestu deildina.
Fyrr í hesi vikuni vóru tíðindini úr Fuglafirði, at málverjin Jákup Jónsson Nolsøe og framrættaði Jákup Andrias Thomsen hava skrivað undir við ÍF.
Í gjárkvøldið boðaði ÍF frá, at felagið hevur skrivað undir sáttmála við Atla Djurhuus Petersen. Atli er 24 ára gamal rituvíkingur. Barndómsfelagið hjá honum er NSÍ, og í fjør royndi hann seg eitt skifti á Skála.
Í 2025 og 2026 fer vinstrabeinti síðuspælarin at umboða ÍF.
FaroeSoccer veit at siga, at Atli D. Petersen hevur spælt 27 dystir í bestu deildini, har hann hevur skorað trý mál, tveir í kappingini um løgmanssteypið og 152 dystir í 1. deild, har hann hevur skorað 16 mál.
Nýggjur venjari í Fuglafirði er Kristoffer Kvistgaard, sum tvey tey seinastu árini hevur verið venjari í Klaksvík og KÍ.
