Fyri eini góðari viku síðani, fekk løgreglan ein lista við navninum á heili 799 bileigarum á.

Hetta eru bileigarar, sum ikki høvdu goldið vegskatt fyri fyrra hálvár í ár og tí skuldi løgreglan taka pláturnar av bilunum.

Og løgreglan er farin miðvíst til verka og í nátt hava 22 bileigarar í Havnini, Eysturoynni og aðrastaðni.

tilsamans hevur løgreglan tikið pláturnar av yvir 160 bilum hesa seinastu vikuna, og tey siga, at hetta verður lagið ta komandi tíðina til tey eru komin ígjøgnum listan.

Og støðan er so einføld sum tað, at hava bileigarar ikki kvittan upp á, at teir hava goldið, so at Akstovan strikar teir av listanum, verða pláturnar tiknar.

Løgreglan sigur, at tað er ikki altíð so lætt at finna bilarnar, tí teir standa dygst undir húsunum. Tað hendur seg eisini, at nummarplátur eru skrúvaðar, ella límaðar fastar - ella at bileigarar hava tikið tær inn.