Næsta mikudag, tað er 29. apríl, eru tað 20 ár síðan Norðoyatunnilin varð tikin alment í brúk.

Og tað skal hátíðarhaldast. Tunnilsfelagið sigur, at Í hesum sambandi verður ókeypis at koyra ígjøgnum bæði Norðoyatunlinum og Vágatunlinum. - í samfullar átta dagar.

Hetta merkir, at frá leygardegnum tann 25. apríl, sum er flaggdagur, og til sunnudagin 3. mai, verður ókeypis at koyra ígjøgnum báðar undirsjóvartunlarnar - báðir dagarnir eru íroknaðir.