Í gjár fekk løgreglan ein lista frá Akstovuni yvir bileigarar, sum ikki hava goldið vegskatt fyri fyrra hálvár í ár.

Og løgreglan er eisini farin til verka at taka nummarpláturnar av hesum bilunum, og longu í nátt hevur løgreglan verið heima hjá 87 bileigarum í Havn og hevur tikið pláturnar av bilunum.

So tá ið farið verður í bilin í morgun, er tað kanska snilt at kanna eftir, um bilurin framvegis hevur plátur.

Hesa næstu tíðina fer løgreglan at arbeiða seg ígjøgnum listan. Og støðan er so einføld sum tað, at hava bileigarar, sum eru á listanum, ikki kvittan fyri, at vegskatturin er goldin, verða pláturnar tiknar.