Teitur M. Gestson hevur skift handskarnar við taktiktalvu. Nýliga givin sum málverji, hevur HB-legendan nú tikið yvir sum venjari hjá 2. deildarliðnum – og fyrsta úrslitið var sannførandi: ein 7–0 sigur á TB.

“Eg føli meg kláran,” sigur Teitur, sum leggur dent á trivnað og ábyrgd. Leikararnir sleppa at hugsa sjálvir, men við hansara eyga og royndum sum grundarlag.

Venjingarnar eru tvær ferðir um vikuna – við spæli, stuttleika og menning í fokus. Men hóast stemningurin er góður, so eru málini eisini greið: næstbesta liðið hjá HB skal spæla í 1. deild komandi kappingarár.

Hóast hann nú stendur uttanfyri vøllin, letur hann ikki aftur fyri møguleikanum at spæla sjálvur: “Tað er ikki planurin, men eg kann ikki avnokta, at tað kann henda.”

Sí video samrøðu her: https://youtu.be/QoLXQM0eACs