Strandferðslan fer nú at broyta prísirnir á ferðaseðlum. Prísbroytingarnar koma í gildi um eina viku, tann 8. apríl.

Annars eru tað 18 ár síðani prísirnir vórðu broyttir seinast. Seinast, prísirnir blivu broyttir, var í 2007, tá ið teir lækkaðu 50 prosent á oyggjaleiðum fyri ferðafólk og 22 prosent fyri akfør.

Á oyggjaleiðum fara pendlarar, sum ferðasr heilt ofta í sambandi við arbeiði, við einum árskorti, nú at kunna fáa ein avsláttur, sum veksur alla tíðina.

Fyri hvørjar 10 túrar, lækkar prísurin 15 prosent, men kortini ongantíð  niður um í 50 prosent. Men ferðast ein heilt nógvar túrar, verður ferðingin ókeypis.

Ferðafólk, sum eru búsitandi í Føroyum, men sum kortini ikki eru pendlarar, skulu nú rinda 10 krónur meiri fyri hvønn túrin.

Av tí, at farið verður aftur til at rinda báðar vegir er príshækkingin 20 krónur aftur og fram.

Fyri ferðafólk, sum ikki eru búsitandi í Føroyum, hækkar prísurin nakað meira enn hjá teim búsitandi.

Hækkingin verður 75 prosent fyri ferðandi til gongu og 50 prosent fyri akfør og tað verður lagt oman á prísin hjá teimum, sum eru búsitandi í Føroyum.

Fyri akfør verður bólkingin nú einfaldari, tí bólkarnir verða færri. Frameftir fara prísirnir settir eftir hvussu nógv pláss akfarið brúkar á dekkinum.

Á bygdaleiðum fara allir ferðaseðlar at hækka 5 krónur.

Ferðafólk kunnu framvegis keypa ferðaseðil á internetinum. Keypast kann tó eisini á staðnum, áðrenn man fer umborð, men tá er tað tað dýrari.

Eru tað ferðafólk, ið ikki brúka snildfon, ella av øðrum ávum ikki kunnu keypa í bíleggingarskipanini, ber til, í samráði við Strandferðsluna, at keypa sær eitt kort at ferðast við.