Verður myrkt áðrenn grindin nær at koma til Havnar
Jón Johansen, grindaformaður, sigur at stóra grindin, ið varð funnin eystur úr Fugloynni, verður fyribils ikki hildin til í Havn
Ragnar Sjúrðarson
31. juli 2024 kl. 19:10
Fyri løtu síðani var ein sera stór grind funnin eystur úr Fugloynni. Talan er um eini 300 hval.
Men kaggarnir eru fullir í norðurøkinum, og tí vórðu boð send til havnamenn, ið ikki hava verið vælsignaðir við nógvari grind hetta summarið.
Dimmalætting fekk orðið á Jón Johansen, grindaformann í Tórshavn, og hann sigur at tað verður myrkt áðrenn grindin nær at koma til høvuðsstaðin. Tí verður fyribils onki gjørt við stóru grindina.
