Íslendska løgreglan stóð klár at fara umborð á Norrønu, tá skipið legði at í Seyðisfirði fríggjadagin. Umborð funnu tey, og løgdu hald á, 45 kilo av kokaini.

Íslendska kringvarpið RÚV, visti í gjár at siga frá, at hettar er størsta nøgdin av kokaini sum Ísland nakrantíð hevur lagt hald á.

Løgreglan hevur síðani skuldsett ein mann í málinum. Hann er nú varðhaldsfongslaður í fyribils tvær vikur, meðan málið verður kannað nærri.

Nakrir aðrir útlendingar sum vóru umborð, fýra í tali, sluppu ikki í land, tí teir kundu ikki framvísa neyðugu innferðarloyvini sum krevjast til tess.