Í gjár komu tveir útlendingar til Føroya við flogfari tí endamáli at arbeiða her. Teir vóru úr miðeystri og høvdu uppihaldsloyvi og arbeiðsloyvi í Danmark, har teir arbeiddu fyri eina danska fyritøku.

Og nú hendan sama fyritøka hevði eitt arbeiði at gera í Føroyum, sendi hon hesar báðar menninar higar at gera arbeiðið.

Men løgreglan sigur, at pappírini vóru ikki í lagi, tí teir høvdu ikki uppihaldsloyvi og arbeiðsloyvi í Føroyum.

Tí varð løgreglan boðsend vestur í Vágar at taka sær av monnunum. Løgreglan sigur, at menninir vórðu førdur á gistingarhús at vera í nátt og so verða teir sendir av landinum aftur við flogfari í dag.