Løgreglan sigur, at hetta vikuskiftið hava tey tvey dømi um, at ungdómar hava tveitt egg á bilar, sum er komnir koyrandi framvið.

Hetta er í miðbýnum í Klaksvík. Løgreglan sigur, at í tí fyrra førinum fekk bilurin skaða, men í tí seinna førinum rakti eggið í síðurútin og gjørdi ongan skaða.

Annar tiburðurin var síðstu nátt og hin var í gjárkvøldið.

Tey vita ikki, hvør tað er, sum hevur gjørt tað, men í báðum førum hevur bilførarin greitt frá, at ein bólkur av ungfólkum stóð beint við.

Løgreglan heitir staðiliga á fólk um at halda upp at vit hesum, tí tað er vandamikið spæl. Eitt er, at bilarnir kunnu fáa skaða, men tað kann eisini loypa hvøkk á bilføraran, so at eitt óhapp hendir.

Løgreglan kannar málini, og onkuntíð áður, tá ið slíkt er hent, hevur løgreglan funnið fram til tey, sum hava gjørt tað við at spyrja í handlum, um ungdómar hava verið har og keypt egg.