U20 gentir og dreingir leika í EM endaumfarið í Madrid um vikuskifti

Genturnar eru Mariu Teresu Vitalis og Oslu Johannesen, sum í veruleikanum hava aldur til U18 kappingina eisini. Dreingirnir eru Rani Ákason og Filip Ilic.

Við tað, at talan er um EM endaumfar, er mótstøðan hjá liðunum báðum sera sterk.

Genturnar eru komnar í bólk F saman við Kekkia, Grikkalandi og Litava. Kekkiska liðið er styrkismett nr. 6 til kappingina, Grikkaland nr. 11 og Litava nr. 22. Føroysku genturnar eru styrkismettar nr. 27 av 32 londum.

Genturnar leggja fyri í dag kl. 12.20 ímóti Kekkia. Dystirnir ímóti Grikkalandi og Litava verða í morgin, men tíð er ikki sett á hesar dystirnar enn.

Dreingirnir eru komnir í bólk G saman við Ukreina, Fraklandi og Kroatia. Ukraina er styrkismett nr. 7, Frakland nr. 10 og Kroatia nr. 23. Føroysku dreingirnir eru styrkismettir nr. 26 av 32 liðum.

Dreingirnir leggja fyri í dag kl. 13.10 ímóti Ukreina. Kl. 18.10 í dag leika dreingirnir ímóti Fraklandi og dysturin ímóti Kroatia verður í morgin, men har er tíðin ikki ásett enn.

U20 gentir og dreingir leika í EM endaumfarið í Madrid um vikuskifti U20 gentir og dreingir leika í EM endaumfarið í Madrid um vikuskifti

Føroysku U20 dreingirnir og genturnar í sandflogbólti eru komin beint í endaumfarið í evropisku CEV EM kappingini, sum verður leikt í Madrid um vikuskifti.

Mest lisið hesa vikuna

Løgreglan stongt arbeiðspláss. Høvdu ólógligar arbeiðsmenn í Føroyum

Fleiri ungfólk á Landssjúkrahúsið eftir ferðsluóhapp

Maður deyður í haganum oman fyri Signabø

Statslán til Suðuroyartunnilin er sunnur fornuftur

Minningarorð um Helga Olsen í Rituvík

Útselt á sjálvum upplatingardegnum

Leys størv