Føroysku U19 menninir leiktu til tíðir sera væl ímóti einum sterkum donskum liði. Teir megnaðu tó ikki at vinna.

Eftir dystin í morgun ímóti Danmark er greitt, at føroysku U19 menninir í morgin skulu leika um bronsuna. Hesin dysturin verður ímóti Onglandi ella Íslandi.

Ikki kann sigast annað enn, at ungu føroysku flogbóltsleikararnir hava reist seg aftur eftir veiku byrjanina ímóti Íslandi. Mótstøðan í dag var munandi sterkari enn í undanfarnu dystunum og føroyska liðið gav donsku leikarunum harða mótstøðu - fyri tað mesta. 

Bronsudysturin verður sunnudagin kl. 13.00.