Í hálkuni gjáramorgunin var ein bilur á veg oman eftir brekkuni sum førir til Sørvágs. Har fór hann á glið og rendi á ein bil, sum stóð stillur úti í síðuni á vegnum.

Strekkið man hava verið eyka hált, tí bert ein minutt seinni hendi tað sama – á sama vegi – eitt sindur longri niðri við bygdina.

Vegurin varð síðan saltaður, og hendu tíbetur ikki fleri óhapp. Bilarnir fingu skaða, men eingin fólkaskaði stóðst av hesum.