Sum vit skrivaðu í gjáramorgunin hendi eitt ferðsluóhapp á Velbastaðhálsi sunnunáttina, har níggju fólk vórðu flutt á Landssjúkrahúsið.

Tað var sum á flundrubaki og ein bilur, sum var á veg til Velbastaðar, gleið yvir í vinstru vegbreyt, og ein bilur, sum kom av Velbastað, rendi á hann.

Tilsamans níggu ungfólk vóru í bilinum og tey vórðu øll flutt á Landssjúkrahúsið.

Løgreglan sigur, at tá ið tey vórðu kannað,vísti tað seg, at tvey av teimum høvdu brotið mjødnina, so tey vórðu innløgd. Hini sjey vórðu útskrivað aftur beinanvegin.

Løgreglan veit ikki enn, hví óhappið hendi, men tey hava staðfest, at bilarnir vóru væl skøddir.