Leygardagin tóku tollararnir á flogvøllinum ein ferðamann, sum var komin úr Danmark við flogfarinum.

Tá ið viðførið varð kannað, funnu tollararnir 785,99 gramm av hassji í viðførarinum.

Maðurin, sum var dani, - og býr í Danmark - varð handtikin og førdur fyri rættin sunnudagin.

Har varð hann dømdur at sita í tveir mánaðir, tí tað varð mett, at ein so stór nøgd av hassji var ikki til egið brúk, men at hann hevði smuglað við tí endamáli at selja tað í Føroyum.

Løgreglan sigur, at maðurin var samstarvssinnaður, so hann varð leyslatin eftir dómin, og seinni fær hann so boð um, nær hann skal sita dómin.