- Eg haldi, at Putin og Zelensky fara at binda frið.

Tað segði Donald Trump á einum tíðindafundi úr Hvítu Húsunum, fyri løtu síðani, undan toppfundinum við Putin í morgin.

Trump hevur nevnt ein møguligan annan fund, har Zelensky skal luttaka.

-Tann fundurin er enn meira týdningarmikil, sigur Trump

Trump verður á tíðindafundinum spurdur, um hann metir tað vera eina samsýning til Russland, um tað endar við, at Ukraina noyðist at geva upp øki.

Nei, svarar hann. Yvirhøvur sigur hann, at vit "skulu síggja, hvat hendir".

-Fundurin fer at hava stóran týdning fyri Russland og okkum. Vit fara at bjarga nógvum mannalívum, sigur Trump.