“Tillukku við føðingardegnum – og má hvør dagur vera enn eitt frálíkt loyndarmál”.

Hetta vóru orðini, sum eftir øllum at døma vóru skrivað í einum føðingardagskorti, sum tann nú deyði, dømdi kynsbrotsmaðurin Jeffrey Epstein fekk á 50 ára føðingardegnum í 2003.

Føðingardagskortið hevur amerikanski miðilin The Wall Street Journal avdúkað.

Sambært miðlanum hevur kortið eina heilt serliga undirskrift.

Tað skal nevniliga vera Donald Trump, sum skal hava skrivað og teknað á kortið.

Kroppurin á einari naknari kvinnu er teknað á kortið saman við áður nevndu orðingini.

Donald Trump, forseti, hevur fylgt lyfti sínum um at stevna The Wall Street Journal.

Hann sigur, at miðlin sigur ósætt.

Trump legði stevningina fram fríggjadagin, har hann kravdi minst 20 milliardir dollarar.

Tað boðar hann frá á Truth Social.