Donald Trump skrivar á Truth Social leygardagin, at um nigerianska stjórnin framhaldandi loyvir drápunum av kristnum, so kann USA finna uppá at koma inn í landið og berja niður islamisku yvirgangsmenn.

Nigeria er sambært honum eitt land, sum er serliga ørkymlandi.

Í innlegginum á miðlinum sum hann sjálvur eigur, skrivar hann at kristindómurin í landinum stendur fyri einari eksistentiellari hóttan.

Nigeria er í løtuni tað landið í heiminum, sum er harðast rakt av harðskapi móti kristnum, segði Evropatingið í farna mánaði, og USA fer eisini beinanvegin at steðga allari hjálp til Nigeria, sigur forsetin.

- Eg áleggi hervið okkara krígsdeild at fyrireika seg til møgulig tiltøk, leggur forsetin afturat. Um vit leypa á, so verður tað skjótt, illviljað og ógvusligt, heldur Trump fram um tað, sum hann nevnir yvirgangs-sníkar í Nigeria.

Forsetin endar sítt uppslag við einari ávaring til nigeriansku stjórnina, sum hann heldur burdi verið skilagóð og handla skjótt.

Sí eisini kristin vera forfylgd