Bókin, sum seinastu dagarnar er tann mest selda í Rit og Rák er tann hjá Tórbjørn Jacobsen.

Tað sæst á hjáløgdu mynd, sum Tórbjørn Jacobsen hevur hann sínum vanga:

Frægi bókavørður okkara - Oyvør - legði hesa myndina út fyri lítlari løtu siðan. Hon man hava gjørt onkur ørindir burtur av sær í høvuðsborgini. At hendan bókin fór at toga seg upp á ovastu rók á metsølulistanum hjá Kára Árting og Rit & Rák, høvdu vit ikki væntað, sum í meiri enn eitt hálvt ár stríddust við at fáa ritverkið "Fyri tí tú veitst er rætt" at liggja ímillum tvær permur.

Skilji á lagnum at áhugin fyri bókini hevur verið somikið stórur, at fyrsta upplagið er við at ganga undan, hóast onkur helt, at vit tóku heldur rívan til, táið avgerð skuldi takast um hetta. Tey, ið ætla sær eitt eintak av fyrstu útgávuni mega helst gera skjótt av, og umrøtt verður í løtuni, um eitt annað upplag skal prentast.

Nú argaði eg mín góða vin Høgna Hoydal útgávudagin við, at hann helst hevði skrivað heimsins drúgvasta formæli, men hinar 6 hundrað síðurnar havi eg sjálvur skrivað í tíggjutals ár. Avgerandi var eisini í processuni, at hetta ikki skuldi vera eitt politiskt evangelium, men heldur ein breiður sveipur av røðum, greinum, ummælum, kvøðum, ritroyndum, essays, viðmerkingum, minningarorðum v.m., skrivar Tórbjørn Jacobsen.