Ivan Hašek er koyrdur úr starvinum sum Tjekkiskur landsliðsvenjari.

Tað váttaði Tjekkiska fótbóltssambandið mikudagin. Hjálparvenjarin Jaroslav Veselý er eisini koyrdur úr starvi.

Avgerðin varð tikin eftir 1-2 tapið móti Føroyum.

- Á fundinum í felagnum 14. oktober mettu vit um seinastu landsliðssetuna og dystin móti Føroyum. 

Vit komu til ta niðurstøðu, at eg skuldi skjóta upp uppsøgn av landsliðsvenjaranum, Ivan Hašek og hjálparvenjaranum, Jaroslav Veselý beinanvegin, sigur felagsformaðurin, David Trunda við heimasíðuna hjá landsliðnum.

David upplýsir, at felagið fer undir leitingina eftir nýggjum landsliðsvenjara.

Ivan Hašek hevur spælt 21 dystir sum landsliðsvenjari hjá Tjekkia.

Tjkkia er nummar tvey í HM-undankappingarbólkinum við 13 stigum.