Norska krúnprinsessan, Mette-Marit, sum hevur fingið stóran mótgang fyri hennara samband við Jeffrey Epstein, hevur fyri fyrstu ferð verið til arbeiðis við næsakatetri og súrevni. Hettar boðar NRK frá.
Saman við Hákon krúnprinsi, Ingrið Alexandru prinsessu, og Sverra Magnusi prinsi, heilsaði hon fyrr í dag uppá tey norsku ítróttarfólkini, sum luttóku í paralympisku leikunum í vetur.
Mynd: Lise Åserud / NTB
Hetta er samstundis fyrstu ferð í fýra ár, at teir fýra familjulimirnir hava verið til arbeiðis samstundis, skrivar NRK.
Krúnprinsessa Mette-Marit líður av álvarsligu sjúkuni lungnafibrosa. Upprunaliga var bert Hákon krúnprinsur skrásettur í skránni. Men hósdagin gjørdist greitt, at restin av krúnprinsafamiljuni eisini fór at luttaka.
Bæði børnini hjá krúnprinsaparinum búgva í løtuni uttanlands, men eru nú heima í Noregi í feriu.
