Ì nýggju samgonguni fær Sambandsflokkurin tvey landsstýrisfólk. Og í KvF beint nú avdúkaði Bárður á Steig Nielsen, formaður í Sambandsflokkinum, at tað verður hann, sum verður landsstýrismaður í uttanlandsmálum og fiskivinnumálum.

Samstundis hevur Sambandsflokkurin tikið støðu til, at tað verður Eyðdis Hartmann Niclasen, sum verður landsstýriskvinna í heilsumálum og í umhvørvismálum.

Enn vilja hinir báðir flokkarnir, Fólkaflokkurin og Javnaðarflokkurin, ikki avdúka, hvør skal umboða tey í landsstýrinum, men tað er váttað, at Beinir Johannesen verður løgmaður.