Sum vit skrivaðu hendan dagin, eru 13,5 milliardir goldnar í lønum hetta seinast árið, frá oktober í fjør til í septembur í ár.

Tað vísir ein uppgerð hjá Hagstovuni. Men uppgerðin vísir eisini, at tað er rættiliga stórur munur á monnum og kvinnum, og at lønirnar hjá kvinnum eru munandi lægri enn hjá monnum.

Í roynd og veru er miðallønin hjá kvinnum næstan næstan ein heilan triðing lægri enn miðallønin hjá monnum.

Hagstovan sigur, at nú í  septembur tjentu føroyingar 36.983 krónur í miðal. Hetta er átta prosent meiri enn fyri einum ári síðani.

Men í septembur tjentu kvinnur 30.007 krónur í miðal og tað eru heili 31 prosent minni enn miðallønin hjá monnum er.

Miðallønin hjá monnum var nevniliga 43.389 krónur nú í septembur.

Samstundis var miðallønin hjá monnum 9,2 prosent hægri í septembur í ár enn hon var fyri einum ári síðani.

Hinvegin var miðallønin hjá kvinnum 6,2 prosent hægri í septembur í ár enn hon var í septembur í fjør.

Men Hagstovan ger vart við, at í hesi uppgerðini hava tey ikki lagt upp fyri arbeiðstíðini. Tey hava rætt og slætt tikið lønina á monnum og kvinnum, og býtt tað við talið á monnum og kvinnum, sum hava fingið løn.