Hjá føroyingum hevur evnið, sum eitur karnitin, ein heilt serligan týdning. Tað er tí, at onga staðni í verðini er títtleikin av sjúkuni, CTD, so høgur sum í Føroyum.
Heilsufrøðilig Starvsstovan sigur, at tey hava kannað ymsar matvørur fyri, hvussu nógv karnetin er í teimum.
– Av teimum matvørum, vit hava kannað, er tað turt kjøt, sum avgjørt hevur mest karnetin, sigur Heilsufrøðiliga Starvsstovan. Karnitin innihaldið er 268,5 mg pr. 100 gramm.
– Tað er sera gott hjá teimum, ið hava, ella eru berarar av CTD, at eta turt kjøt, staðfestir Heilsufrøðiliga Starvsstovan.
– Tí hóast CTD sjúklingar skulu taka karnitin tilskot, er eisini umráðandi, at eta mat við karnitini í.
– Turt kjøt er sera góð kelda til sink, fosfor og B-12 vitamin. Harumframt inniheldur tað nógv selen, kalium, jarn og aðrar B-vitaminir (riboflavin, niacin, B5 og B6).
Tað er nógv minni væta í turrum kjøti enn í feskum kjøti.
– Tískil verður innihaldið av føðsluevnum hægri fyri hvørji 100 gramm í turrum enn feskum kjøti.
Í seyðabókini hjá Robert Joensen stendur, at lambskrov lætnar á leið eina helvt, frá tí at tað er nýflett, og til tað er turt á kyndilsmessu, sigur Heilsufrøðiliga Starvsstovan.
