Ukrainski uttanríkisráðharrin, Andrii Sybiha, sigur at hettar dronuálopið hjá Russlandi í nátt, er ein álvarslig eskalering og heitir á allieraði lond um at svara harðliga.

Hettar skrivar hann á sosialum miðlum.

- Fyri fyrstu ferð eru yvir 800 dronur og rakettir skotnar inn í landið uppá eina nátt. Sivil fólk eru dripin og særd.

Hann skrivar eisini, at sivilt undirstøðukervi hevur fingið skaða í Kiev, Odesa, Kremenchuk, Kryvyi Rih, Zaporizjja og í øðrum býum.

Myndir úr ukrainska miðlinum UNN av stjórnarbygninginum í Kiev vísa, at eldur er í teimum báðum ovastu hæddunum.

Mynd: UNN