Miðnámsskúlin í Suðuroy skal hava nýggjan stjóra. Tað er greitt, nú stjórin, Rósa Heinesen, hevur sagt seg úr starvi.
Hon hevur annars ikki verið stjóri í meiri enn eitt hálvt ár, tí tað tað er ikki longri síðani enn í februar í ár at hon tók við starvinum. Og hon fer úr starvinum tann 1. desembur.
Rósa Heinesen sigur, at tað liggur einki í tí, at hon fer úr starvi, uttan tað, at hon knappliga hevur fingið nýtt starv.
Tað er eitt starv, sum hóskar seg betri til hennara útbúgving, og privatu viðurskifti annars, enn starvið sum skúlastjóri í miðnámsskúlanum.
Hon hevur útbúgving í altjóða viðurskiftum og nýggja starvið passar betri til tað útbúgvingina. Enn er ov tíðliga at siga, hvat starv talan er um, men hon sigur kortini, at tað er ikki í Suðuroynni, men norðanfjørðs.
