Í gjár varð ringt til løgregluna úr einum handli í Havn at melda, at ein maður hevði verið inni har og stolið.

Talan var um ein handil, sum selur elektronikk, og tjóvurin, sum var ein vaksin maður, hevði stolið elektroniskar vørur fyri nakrar túsund krónur.

Løgreglan sigur, at góð vakmyndatól eru í handlinum, sum vístu mann týðiliga, og hvat hann gjørdi.

Løgreglan sigur, at sostatt varð hann handtikin stutt aftan á og er skuldsettur fyri stuldurin.