StÍF hevur lagt væl frá landi í Burn kappingini hjá monnum. Í fyrsta dystinum spældi liðið javnt móti Kyndli, men í dag megnaðu teir at vinna á VÍF, sum annars hevur meldað út, at teir ætla sær greipuna í ár.
Martin Danielsen, sum vegna skaða sat á bonkinum hjá StÍf allan dystin, heldur, at tað var ikki so stórur munur á liðunum.
-Í seinna hálvleiki fara vit út at mansverja Filip Jojic, og tað stressar teir í VÍF, og teir blaka fleiri bóltar burtur. Tað straffa vit væl, samstundis sum Eli Gærdum í málinum “steingir” málið, heldur hann.
Tá ein minuttur restaði í, var støðan javnleikur 30-30, og dysturin kundi koppa báðar vegir.
-Tá er gott við royndum leikarum, og vit hava Svein Justinussen. Hann skoraði tídningarmikla málið til 31-30.
Endaliga úrslitið gjørdist 32-30 til StÍF.
Toppskjútti í dystinum við 10 málum gjørdist ein stórspælandi Pætur Johansen.
Støðan í Burn deildini við monnum:
.png){kind=logo}
