Spania var rakt av einum jarðskjálvta sum máldi 5,5 stig á Richter-skalanum tíðliga í morgun.

Hettar hendi bert fáar tímar, eftir at landið hevði upplivað snarflóð og nógv regn.

Jarðskjálvtin rakti Suðurspania, eitt nú vælumtóktu ferðafólkastøðini Costa del Sol og Alicante.

Nakað av takinum á einum flogvølli í Almera fall saman, men annars eru ikki nøkur boð um fólkaskaða.

Spanska landafrøðiliga stovnurin (IGN) skrásetti jarðskjálvtan út fyri Cabo De Gata á Almeria-strondini klokkan 7.13 lokala tíð.

Cabo De Gata er størsta friðaða strandarøkið í Andalusia-økinum.

Við sínum mesta styrki kom jarðskjálvtin upp á IV-V, ella miðal til sterkan, á evropeiska makroseismiska skalanum, sum hevur níggju stig, upplýsir IGN.

18 eftirskjálvtar eru higartil skrásettir har tann størsti er 3,4 í stødd og hendi bert fimm minuttir eftir høvuðsjarðskjálvtan.

Høvuðsjarðskjálvtin rakti yvir 30 km. frá strondini, á uml. Tríggjar km. dýpi.

Fólk føldu skjálvtan í fleiri hundrað býum og bygdum um alt Andalusia og Levante-økið í landinum.