Seinnapartin í gjár varð eitt mál um harðskap meldað til løgregluna.

Løgreglan sigur, at talan var um tveir starvsfelagar á einum arbeiðsplássi, sum komu til ilnar um eitthvørt.

Ósemjan harðnaði so mikið, at tað endaði við, at annar meldaði hin fyri harðskap.

Løgreglan sigur, at báðir menninir fóru á Landssjúkrahúsið til kanningar.

Løgreglan veit ikki, hvat tað akkurát var, sum hendi, tí har er orð ímóti orði.

Hendingin fór fram uttandura, og nú royna tey so at vita, um nøkur vitni eru, sum kunnu hjálpa løgregluna at fáa greiði á, hvat fór fram.

Í gjárkvøldið varð eisini ein maður tikin og skuldsettur fyri harðskap ímóti løgreglufólki. Løgreglan varð boðsend at fáa ein mann burtur av eini adressu í Havn, men tá ið løgreglan kom á staðið, varð hann so óður, at hann gjørdi seg inn á eitt løgreglufólk, og tað er hann so nú skuldsettur fyri.