Nú nærkast av álvara til Smyril kemur aftur í sigling ímillum Suðuroynna og Havnina.

Eftir at hava verið í dokk í Danmark í sjey vikur, setti hann leygarkvøldið kósina aftur til Føroya. – Og nú er hann komin so langt, at hann verður á Krambatanga klokkan 16 seinnapartin í dag.

Síðan skulu kioskvørur og alt annað av Smyrli, sum nú er umborð á Galaxy, fáast yvir aftur á Smyril. Niels Juel Arge, stjóri á Strandferðsluni, sigur, at Smyril fer í sigling aftur í morgin ári – týsmorgunin – men at fyrsti túrurin av Krambatanga verður klokkan seks í morgin ári, heldur enn klokkan sjey, sum vanligt er týsmorgun.

Síðan verður siglt eftir vanligu ferðaætlanini.