Í sambandi við fótbóltslandsdystin í kvøld, har ið Føroyar taka imóti Montenegro, skipar fjeppararfelagið Skansin fyri upphiting í OY.

Har verður tónleikur og undirhald umframt andlitsmáling, og eisini verður upphiting til sangirnar, sum verða sungnir niðri á Tórsvølli.

Tiltikni trompetleikarin Jóhan Hentze fer at standa fyri upphitingini. Hann er ein av trúfastu fjepparunum hjá landsliðnum. 

Jóhan fer at síggja til, at fólkini aftan fyri 12. mann eru væl upphitað, tá ið tey koma oman á Tórsvøll. 

Tiltakið byrjar kl. 16.00

– Og øll eru vælkomin, heilsa teir frá Skansanum.